主子都過萬聖節！寵物扮嘢攞糖安全最重要
全球過萬聖節，都愛扮鬼扮馬，香港也不例外，除了幼稚園有小朋友扮嘢派對，一眾主人亦會與寵物一同慶祝，實行將「主子」打扮成「超萌星人」，向鄰居「Trick or treat」攞糖，亦要在網上「呃like」。不過為「主子」打扮和帶出街攞糖都有很多地方要注意，稍一不慎主人隨時發生意外！
1) 服飾易燃焗促
與小朋友的「扮嘢」服裝一樣，寵物的萬聖節裝束不少都由易燃物料造成，而且設計上可能很誇張，一不小心觸碰到燭火，火勢蔓延得快，特別像貓狗等多毛動物，毛髮着火後更不易撲救，所以為動物打扮時最後以簡便為主，亦要留意動物身邊有沒有火種。
不少主人亦會讓寵物扮超級英雄，但因為這些角色多數有面罩，主子們的面部大小不一，容易因面罩細小面感到焗促，特別是香港這種溫帶地區，太多衣飾分分鐘焗病主子！頸鏈等亦盡量避免，以免動物玩得興起時反而纏住頸部而窒息。
相關文章：
Lucy姐姐：《哈佬喂》讓小孩認識死亡
揭秘哈囉喂：「做鬼」12年一秒變臉
2) 避免直接拿糖果籃
小朋友最常帶袋和籃去「Trick or treat」攞糖，不少主人亦將同樣的道具給寵物，可是當牠們的籃中收到糖果時，即時反應是獲餵食物，不加思索便伸頭到籃中進食。不少人派與動物都是普通的零食，如果狗狗即場進食朱古力，份量過多足以中毒，輕則亦會腸胃不適，所以各主人最好幫寵物接收零食，如果想寵物感受「Trick or treat」一刻，可以先自備口糧，幫牠收妥別人給的糖果時，再「偷龍轉鳳」成平日牠們的零食就最好不過。
3) 避免人多地方
雖然萬聖節「普天同慶」，但像香港環境狹小，如果帶寵物到人多的地方時，會大大增加意外風險，特別是不少人裝扮恐怖，如果「主子」細膽，嚇親走失的話，得不償失。
另外，早前Amazon等零售商公佈了「萬聖節寵物服飾銷售榜」，第一、二位是南瓜和熱狗，第三位是狗/獅子/海盜，第4至10位分別是蜜蜂、魔鬼、《蝙蝠俠》系列人物、幽靈、貓、女巫和《星球大戰》人物。
圖片來源：IG
