數碼港電競場 林家禮：明年3月底前有得玩
電競產業急速發展，政府早前撥出1億元予數碼港發展電競。數碼港主席林家禮接受專訪時指這筆資金好快大派用場，「1億唔會坐喺到吸塵」。數碼港商場中庭改建成電競場的工程已完成招標，並將分兩階段進行，目標是明年3月底前硬件設備可落成，場地可正式使用。林指，電競「唔係體育咁簡單」，還包含很多商業、創業元素，例如人才管理、評論員、電競音樂、電競旅遊等範疇，直言「開正我哋（數碼港）嗰範」。
其他文章：
政府支持數碼港發展電競場的消息一出，電競迷一直引頸以待。按計劃，數碼港會用其中一半資金，即5000萬元將於商場內設立電競專用場地，提供高速網絡及座椅等器材外，用以提供訓練及中、小型比賽，同時會設立幾百個公眾席及體驗區。
不過近半年過去，我們走訪數碼港商場仍然「維持原狀」。林家禮卻躊躇滿志，2018/19年度「唔止動工，而係要玩到！」而林亦透露發展時間表，指今年底前進行的第一期工程主要為提升硬件設備，例如音響、燈光、遮光隔音等，明年3月底前基本上可落成起用；之後就會集中加強周邊設施，預計明年內竣工。
多花時間做好諮詢及規劃
林家禮稱過去花了不少時間在電競場的結構設計上，主要希望跟業界緊密磋商，「寧願花多一啲時間喺總規劃，好過貿貿然施手術動工……如果做完一舊嘢，佢哋嚟都唔肯嚟，睇唔上眼，咁就唔得，一定要先做諮詢，吸引最頂尖人才。」他稱至下一個年度，希望吸引更多電競人才前來使用園區設施，屆時「可以自負盈虧。」
根據創新及科技局向立法會提交的文件，數碼港電競場每年舉行6至8次中小型電競比賽和訓練活動，平均每個月使用率不足一次。林家禮解釋，建議只屬初步構思，現階段必須先做好設計，包括高速通訊、穩建網絡系統等，未來再提升使用率及效率，相信將來「數字可能更大」。
對於業界指數碼港位置偏遠，他說「呢個形象要加多啲宣傳打破，其實真正由中環入嚟都係15分鐘」，現時數碼港有小巴直達，港鐵西港島線亦已開通，交通方便不少。
今年全球電競總收入料達10億
數碼港在今年二月向政府提交的《推動香港電競發展報告》，建議香港必須形成電競的產業鏈。報告引述市場研究指，全球電競產業總收入在 2016 年為 8.928 億美元。而亞洲已成為全球最大的遊戲巿場，總收入達到 3.28 億美元。
兩年後的今天，林家禮預計2018 年電子競技市場的年收入達9至10 億美元。他表示，電競牽涉選手、經理人、培訓、評論員、場地管理等不同業務，成為香港經濟新的推動力。
競技「唔係體育咁簡單」
林家禮坦言，政府撥予的1億元對許多專業電競投資者而言「只係一個好細嘅錢」，但作為政府提供的種子資金，「其實真係唔錯」。對於電競業界希望爭取成為體育項目，林家禮則認為，電競「唔係體育咁簡單」，它在港起步應以創新及科技元素為先，「如果冇數碼科技、雲計算、高頻高速通訊，網路安全等呢啲數碼科技嘅支撐，係做唔到呢方面嘅嘢。」
數碼港願擔當先鋒，林家禮指是希望「做大個餅」，之後再發展至教育及體育等層面。他又揚言如果電競方面做得好，可以帶動園區收益，「不過我哋目標唔係貪嗰啲錢」，而是向港人展示電競及數碼娛樂的新契機，吸引更多私人機構在這方面作投資。
他坦言發展電競都有挑戰，如有憂慮會令年青人上癮，或牽涉不良成份例如賭博。「我哋好清楚呢啲挑戰，集中一方面做電競產業發展，一方面是年青人嘅數碼科技培訓，一定會做好，而避免坊間擔心嘅負面影響。」為加強培育人才，數碼港早前亦聯同香港大學專業進修學院 (HKU SPACE) 宣佈合辦「電子競技科學文憑」課程，涵蓋商業生態、節目管理等行業運作模式。
