唔搭飛機搭高鐵 港區人大政協坐足11小時赴京開兩會

唔知是否想支持一地兩檢盡快通過本地立法，令高鐵香港段可於第三季通車，近三十名港區人大代表及政協委員身體力行，今早在深圳福田，乘坐高鐵啟程前往北京出席兩會，車程約11小時，預計傍晚抵達。
 

所謂凡事都有第一次，既然第一次坐高鐵上京開兩會，怎麼可以不隆重其事，揀個靚位？高鐵座位總共分為三個等級，從深圳至北京最便宜的二等座要944.5元（人民幣，下同），一等座1488元，最高級的商務座要2939元，比一張同程機票更貴，但勝在一般唔會延遲，坐得舒適想瞓低都可以。雖然從視頻截圖來睇，人大代表等都坐在二等座，但不少人亦「心郁郁」到商務艙拍照留念。
 

今次集體乘坐高鐵活動由港區人大代表王庭聰、政協委員龍子明、張學修、劉與量、龔俊龍及謝俊明六人發起。被問到在兩會期間作出的提案，龍子明指，將會提議大灣區與香港的大學合作，促進大灣區更好發展。而王庭聰則會就加強國防建設及環保等議題提案。