iPhone跟風鬥大芒無新意？Nokia「鬥多」新機傳備5鏡頭

蘋果公司剛剛舉行新一輪發布會，新一代iPhone X系列共推出3款螢幕尺寸，包括6.1吋iPhone Xr、OLED 螢幕的 5.8 吋iPhone Xs，以及與 6.5 吋iPhone Xs Max。

>>一文睇清蘋果新機規格<<

不過對「非專業」果迷來說，似乎蘋果手機擺脫不了「鬥大」之路，新意欠奉。其實除了「鬥大」，智能手機亦邁向「鬥多」——多鏡頭。近日就有Nokia新款旗艦手機圖外泄，只見機背主相機竟然有5個鏡頭！

驟眼睇甚有左輪手槍的轉輪風格，食晒英文「shoot」的「射擊」和「拍攝」兩個字義。如果前鏡頭不作雙鏡頭設計，全機至少有6個鏡頭。

至於LG 下代旗艦機 V40 ThinQ 亦傳有3+2鏡頭設計，網上流傳的外形渲染圖顯示用上3主鏡頭設計，更會配上前置雙鏡頭，合供5個鏡頭。

早前亦有傳Samsung年內將推出機背有4鏡頭的新手機，而華為10月中將將發布的旗艦機 Mate 20亦傳後背有3鏡頭，不過前鏡頭只有一個，全機合共只有4個鏡頭。

疑似華為Mate 20手機組圖，機背採用三鏡頭。

不過講到鏡頭王，來自美國加州的創新公司Light一定贏幾條街，因為2015年時曾發表過 16 鏡頭相機 Light L16，在眾籌成功後成功推出市場，售價高達1950美元(約15288港元)，拍攝效果比得上專業相機。早前華盛頓郵報指公司即將推出另一部9個鏡頭手機，主要是強化景深效果，而且動態範圍更廣，有利低光環境拍攝無難度，能拍攝出高達6400萬像素的相片，最快今年就會面世。