自創「Memoji」超過癮！iOS 12 八大升級重點話你知　

Apple 於今日凌晨舉行WWDC開發者大會，令人期待的iPhone SE 2最終落空，一開始已經表明「Today is all about softwares」，雖然沒有新機發布，不過其他系統升級都值得關注，尤其是於iOS 12，聲稱會大幅提升速度，而且舊機 iPhone 5s / 6 都可升級，有咩升級重點？留意下文～

1. 系統速度提升

舊iPhone升級新iOS，過往對用戶來說都可算是一場賭博，而且很大機會最後變成「噩夢」。今次官方聲稱iOS 12對比前代，開app載入速度快40%、鍵盤彈出顯示快 50%、打開相機快 70% ，有冇咁堅？

 

2. 獨創自己的「Memoji」

去年Apple推出「Animoji」令iPhone X用家買機後玩得不亦樂乎，今次的「Memoji」可謂再進一步，讓用戶透過 Face ID 來創造屬於自己造型的動態 Emoji，下圖就是Apple CEO Tim Cook的「Memoji」，又幾神似喎！不過又是否變相吸引大家升級至iPhone X或之後更新機型呢？

 

3. Animoji增加新成員

Animoji雖然過癮，可惜只得幾款好快玩厭，iOS 12 就加入4個新的Animoji，此外還為Animoji添加「伸脷」動作。

 

4. FaceTime 支援32人群組對話

由於效能提升，FaceTime 的群組對話亦「upgrade」至 32 人同時在線。而正說話的人，頭像會自動放大，方便其他人看到。

 

5. AR應用程式「Measure」

Apple近年強化AR技術的應用，這款「Measure」功能跟第三方軟件 MeasureKit 類似，用戶可利用相機量度出物件的長度、體積。

 

6. Siri 變得更醒目

Siri 雖然已經是好幾年前的產物，不過相信大家身邊，日常會使用的朋友都不會太多。 iOS 12 為 Siri 帶來捷徑「Shortcuts」功能，編輯自己想要的Siri語音指令。例如一條「回家路上」的語音指令，可以啟動開車導航、點亮家裡客廳的智慧燈泡。第三方App都可以整合至Siri Shortcuts。

 

7. 相簿強化 

相簿新增了「For You」的分類。透過智能學習方式來幫你整理好的相片集，方便分享予他人。相簿搜尋功能亦變得更快，當一邊輸入字詞時，就能即時顯示搜尋結果或建議。

 

8. 「Notification」組合顯示更有效率

每日用手機都有不同的app，彈出有各類的通知訊息，看得眼花繚亂， iOS 12 中 Apple 重新設計了通知訊息顯示的方式，同類的會被組合起來。

 

幾時推出？

講咗咁耐，很想快快升級吧？不過仲要等等，Apple即日起提供第一個 beta 測試版，預計今年秋天開放更新。2013 年以來所有 iOS 設備都可使用，5年機種都有得升級，大家又覺得Apple算唔算「佛心」？