局長黃錦星$0電費 撼贏前台長林超英 前台長究竟輸在乜嘢？ 另教你慳電4式

 

環境局局長黃錦星日前在社交網上大晒2019年首張電費單，單上顯示為$0收費，其後局長更Tag前天文台台長林超英，問他「你收到最新電費單未呢？」挑機味甚濃，二人向來愛鬥誰比誰慳電得多，喂喂喂，今勻前台長都要跪地，輸就輸在「因為雪櫃很舊，比不上局長的超慳電雪櫃，我是軍械競賽輸的。」難怪前台長連老婆都要出動埋齊齊慳電，「近來太太改用凍水沖涼，希望再慳多D電！！」林超英面書上回應說。

相關文章-
立法教育並行 黃錦星望2022年人均減廢達四成 
市民批垃圾徵費勞民傷財　黃錦星：已很克制
黃錦星:垃圾徵費議案將於立會復會後提交
林超英：天天吞下塑膠──快餐不用即棄餐具 

黃錦星的電費月結單顯示，去年12月4日至今年1月2日期間，一個月內只用了70度電，基本電費及燃料附加費合共本需$63.25，但扣除燃料費特別回扣及電費紓緩計劃補貼金額後，電費為$0，完全無得輸。黃錦星仲話自己一家幾口，去年人均每日用電約0.5至1.5度，與現時香港家庭人均每日用電量約5度比較明顯較低，及指低碳轉型，人人有責！須各自加大力度慳電，減碳兼減電費。1蚊都不用交，難怪他這樣口氣大向前天文台台長林超英挑機。

對於局長的挑機，前天文台台長林超英也得跪地，他表示：『2月初才有新電費單，去年10月初至12月初我家平均用電每人每日 1.7度電，多過局長一家少少，主要因為雪櫃很舊，比不上局長的超慳電雪櫃，我是軍械競賽輸的。雪櫃還可用就丟了很可惜，為了環保，暫時選擇電費方面輸給局長。 「環保」真是複雜的事！』及後，他再補充：「 近來太太改用凍水沖涼，希望再慳多D電！！」冬天沖凍水涼，不知林太會不會邊沖邊唱新馬仔首《萬惡淫為首》冷得我騰騰震呢？

不過，對於局長$0電費有網民突破盲腸話：「局長可能有好多頭家，攞張冇人住嘅交數。不過慳到電又點，堂堂局長，出入，一個司機負責車你出出入入，一個人坐一架車 ，又唔會搭公共交通工具。」

而事實上，黃錦星及林超英兩人已非首次比拼慳電，去年兩人已多次將家中電費單公諸於世。

【慳電4式】

·應用則用 不設「待機」模式
家中電器，比如冷氣機、雪櫃、電視、洗衣機、熱水爐等，應用則用，及不設「待機」模式，不用就得切斷電源。

·冷氣耗電多 氣溫達攝氏28度才開
可考慮好似局長一樣，晚上氣溫達攝氏28度才能開冷氣，否則冷氣和暖氣可以不開就不開啦！

·選用1級能源標籤電器
冷氣可以不開，但雪櫃始終不開不行，所以選擇電器時，最好選用有1級能源標籤的。

·LED燈膽比慳電膽更具能源效益
如以LED燈膽代替鎢絲燈膽，可節省75%電力，每年可節省不少，而且LED燈膽夠耐用，平均壽命是鎢絲燈膽的8倍以上。

圖片來源:黃錦星、林超英@fb