榴槤放題1月尾回歸 1.5小時任食

2019-01-10

AAA

榴槤BB聯同馬來西亞農業部屬下「馬來西亞聯邦農業促銷局 (FAMA)」，將於26/1舉行全港最大規模榴槤放題，今次他們更以「四大天王」做主題，食客可以食到榴槤「四大天王」黑刺、老樹貓山王、金鳳、金包外，還可以任食老樹貓山王、山頂XO及金包，活動中，還會有專人為你介紹每種榴槤特色，及逐一讓大家試食，仲等？快啲通知埋身邊鍾意食榴槤嘅朋友一齊去刷餐飽啦！

每年榴槤放題，都吸引到唔少榴槤迷會參與。

榴槤BB每年都會舉辦多場榴槤放題，嚟到2月季尾，當然唔可以錯過，不然就要等多半年，才可再次嚐到齒頰留香滋味，加上老樹貓山王一個連殼2公斤閒閒地都要4、5百蚊，食到一個份量兼嚐到榴槤「四大天王」已經回返晒本，不過，門票不接受即場購買，有興趣就記得網上預訂啦！

此外，活動頭30分鐘會有專人為你介紹每種榴槤特色及逐一讓大家試食，之後90分鐘只要你安坐於座位中，便可享受到1.5小時嘅榴槤放題，大家可以盡情地任食由馬來西亞空運到港、新鮮即開嘅上等榴槤！食完郁都唔使郁就會有專人為你輪流不停供應各種榴槤品嚐！呢種享受，試問邊度搵呀！

榴槤由馬來西亞空運抵港，即開即食，夠晒新鮮！

咁靚嘅貓山王，真係睇見就想食！

活動詳情-
門票開賣日期和時間：2019年1月11日(星期五)晚上9時
放題日期：2019年1月26日 (星期六)
放題場次：11:00-13:00 / 14:00-16:00 / 17:00-19:00 / 20:00-22:00
門票：$680/位
地址: 觀塘敬業街65-67號敬運工業大廈2樓B號舖

圖片來源：Durianbb.com 榴槤 BB　

榴槤 , 放題 , 任食 , 好玩好食 , 貓山王

下一篇
喜茶(12日)時代廣場開分店推手機App落單唔使再排餐飽

上一篇
【大灣區樂悠遊】去深圳500年歷史古村尋覓質樸古早味