嚴崇天：一秒激怒男朋友
曾經看過很多關於「一秒激怒女朋友」的文章，大部分都非常有創意，每次看完都必定會心微笑，然後反問自己：「我有沒有說過類似的說話呢？」
其實，一秒激怒女朋友系列某程度上也反映了說話技巧的重要性，男女之間相處，不能永遠用「我只係說話比較直」作為擋箭牌，然後不顧別人感受，用說話傷害對方。有時候，還是要把握說話的技巧與時機，才能令大家的關係變得更加和諧。
一秒激怒女朋友的故事，相信大家都耳熟能詳，隨口都能說出幾個，但關於「一秒激怒男朋友」的故事，各位又有沒有留意過呢？
最近和幾位好兄弟促膝談心，大家都口若懸河，大吐苦水，大體上都是埋怨女朋友或老婆經常對他們冷嘲熱諷，朋友甲說：「我女朋友真喺好煩，成日同我講，你日日都打機，你唔好同我拍拖，你同隻game拍拖啦！我都可以有我自己娛樂㗎嘛！你可以煲劇、整指甲、做facial，我打機點解唔得呢？」
朋友乙點頭說：「咪就係囉！我老婆仲好笑，無啦啦鬧我點解望手機多過望佢塊面？喺咪手機吸引過佢個樣？咁我要賺錢要覆上司同客戶信息嘛！你想我點？好人好者點解要同死物比呢？你望住韓國歐巴個樣仲多過望你老公我啦！唔通又同你計？」
總括而言，男人又好女人又好，都總有他們執著的事。有人喜歡打機、有人喜歡煲劇，對於別人的愛好，還是多一點包容、少一點冷嘲熱諷比較好。
用人和死物比較，永遠沒有好處，另外，對於另一半執著的事情，還是不要踩得太盡比較恰當。
例如想老公少看手機，首先要表示理解，然後循循善誘：「老公，知道你做嘢辛苦，放工都要覆電話，但我怕你壓力太大，點都要比對眼同個腦休息下，不如食飯唔好覆電話住，你話好唔好？」
最後加上一句溫柔體貼的「你話好唔好」，其實是一個小技巧。如果缺少這一句，你的提議會變成命令，或者會令對方覺得你在強迫他去實行，加上「你話好唔好」，令對方覺得有話事權，而不會有被強迫的感覺。
文章只屬作者觀點，不代表本網立場。
