黎倩蕾：貓狗都有救護車 Call得多抵得多？

路過尖沙咀，看到有機構宣傳寵物救護車服務，同行狗癡老友即時兩眼發光，問長問短，大感興趣。原來香港除了人有事可召喚救護車，貓狗都可以，不過服務時間只限深夜，仲要俾錢入會，兩年會籍千多元，送同區就近指定動物醫院，不限使用服務次數，貴不貴見仁見智，我就講笑謂行會籍制是「call得多抵得多」，雖然支出封頂，但認真大吉利是云云。

相關文章-
深宵On Call！ 寵物救護車載毛孩睇急症　

倒是作為「準用家」的狗癡老友心水夠清，他說現實是貓狗不同人，沒有收費盛惠$180的公立醫院急症室服務，只有私家醫療機構選擇，用得多救護車，大吉利是事小，銀包大出血事大。事實上，動物醫療開支隨時貴過人，在小圈子裡，就有動物界養和，入院一般五位數起標，六位數是尋常，雖然比不上養過小朋友$400萬，但要享受優質醫療服務，付出的心力財力，缺一不可。

事實上，今時今日，身邊不少人都不生孩子，寧願做貓狗的爸媽，造就寵物市場生意滔滔，且形式亦五花八門，除了救護車，還有一條龍代辦帶貓狗外遊，抱著愛犬櫻花樹下打卡，感動吧。另如寵物spa和按摩服務等，亦不愁生意，無怪歌到有得唱：做隻貓做隻狗好過做情人，貓奴狗奴，總有一個喺附近。

文章只屬作者觀點，不代表本網立場。