余樂明：創業容易？有信心，更要有決心

太太最近逢星期五晚總會等看一個LIVE，聽一個男士講鞋。不時還會跟我說︰「你學吓人啦，人地都不知幾了解女人呀！」心想︰「咁巴閉？！」好，又看看這位男士如何了解女人。

看罷立即要邀請這位男士做訪問，了解其創業之道。

這位男士，由一個SALES，到與朋友合組鞋店，再面對一次又一次挑戰，近年轉戰網絡，親身擔任KOL，隔著屏幕繼續做SALES，上千粉絲齊齊睇LIVE，之後一齊搶鞋，是的，是要搶的，因為太太幾次都鎩羽而歸。跟太太叫他做「鞋佬」，鞋佬的經營概念既簡單又不容易︰以質量贏口碑。這個概念每個人都明白，大家作為消費者，都很明白買東西當然會挑質優的。我又問鞋佬雖然每星期過千人睇你做LIVE，但可以賣出多少對鞋先？讀者們可以估下，我在文末才開估。

另一個鞋佬重覆又重覆的，就是與客人的關係，這些關係不能靠買鞋送襪建立的，除了質量，還要看店家的待客之道。網上待客之道就是見到留言要即覆，不能待明天，明天才覆，買鞋的消費意欲就沒有了。

在我看來，創業要成功﹝即管膚淺一點只以賺到錢為成功﹞，貨如輪轉客似雲來即可，但守業呢？就要靠創新！鞋佬最近的創舉，又令太太/我破慳嚢，竟然讓女士們按左右腳的尺寸買不同碼數的鞋，這簡直是大細腳女士的福音。太太感動至眼濕濕的說「左右腳終於不用互相遷就了」。

從鞋佬身上，我看到生意之道是︰對市場及自己的貨品要有足夠的掌握，不能安於現狀，必須作出一個又一個突破，才能迎來一個又一個高峰。創業並沒有分成功或失敗，只有你敢做或不敢做。

(差點忘記開估鞋佬每次LIVE後賣鞋數量，數字十分令我吃驚，賣出最少五百對，更試過一夜賣出一千六百對鞋。)