真心想要侍產假？《論盡爆煲媽咪》湊B點只係愛係責任
2018-08-30
AAA
有新生命來到家中固然開心，不少男士對「榮升」爸爸更是雀躍萬分，要求多兩日侍產假照顧太太和BB實屬正常。不過實際湊小朋友與想像可能有好大出入，本月30日上映的《論盡爆煲媽咪》(Tully)便呈現了湊B的殘酷現實，各位新手爸爸準備好未？
戲中的老公Drew對養育父親的責任並不清晰，湊小朋友一開始全交由太太負責。
《論》片由影后查理絲花朗（Charlize Theron）主演，現實中她雖然未生過BB，卻領養了一男一女，亦是一位盡責的媽媽。這次為了演活這個三子女之母，特意增肥配合身材走樣的角色設計，足足重了50磅！別以為增肥喪食好爽，查理絲狂食芝士漢堡和甜品三個月，垃圾食物令她變得又累又暴躁，甚至出現抑鬱，儼如她的角色Marlo在戲中的不堪狀態。
相關文章：
侍產+育嬰假都唔放？ 英國九成九爸爸「Say No」的理由……
查理絲演頹爆媽媽，為入型入格增肥50磅。
身為人母後冇晒人生樂趣，Marlo照顧小朋友幾乎犧牲了自我。
查理絲慨嘆：「肥胖和不健康的生活習慣非但影響身材，更影響精神狀態。我從未想過自己會因變肥而抑鬱。」最後她用了一年才可以減走50磅。
戲中Marlo突然懷了第3胎，BB出世以後更加疲於奔命，老公放工回家只顧打機，關心得個講字，最終只能接受請夜間保母這個選擇。香港地如果想慳錢自己湊，一眾新手爸爸想用侍產期和年假去做「男陪月」，可能要留意片中保母Tully如何分擔媽媽的工作：餵奶換片哄睡是基本項目，管教小朋友行為到學業，為生活加入小驚喜，平衡父母和伴侶的角色……各位新手爸爸準備好未？
多兩日侍產假以為有得打機？望下老婆幽怨的眼神先啦……
片中保母Tully年紀輕輕，卻幫了媽媽很大忙，重拾生活樂趣。
圖片：劇照
