豐澤網站凌晨「大特賣」 $298任掃萬元電器點收科？

豐澤網頁截圖

誰說只有早起的鳥兒有蟲吃？其實遲瞓一樣可以「執到寶」。周四（6日）凌晨約2時， 有網民發現電器零售連鎖店豐澤的網站，突然出現大批超抵貨品，以$298可買到 Apple  iMac Pro（原價約 $39000元）、Apple Macbook Air Retina （原價約$9000多元）、Nikon Z6 連 24-70mm 鏡頭數碼相機（原價約$23000元）等電器產品。

「真係落到單！」「交易已完成，冇貨就海關見。」消息傳出後，許多「夜貓」網民紛紛上網站下單，貼出自己的「戰利品」，不少人更指已收到銀行短訊確認信用卡交易。

有人貼出自己的訂單總覽，顯示一舉訂購了多部  Apple  iMac Pro。單是下圖這幾部電腦，總值已至少近20萬元。亦有「幸運兒」指自己買了五部 iPhone X。

豐澤網頁截圖

不過亦有部分人較「心水清」，懷疑網站出問題才出現如此情況，「係咪畀人Hack咗？」「陣間唔畀退錢，cut單就好笑。」

豐澤網頁截圖

至凌晨4時左右，網頁已未能如常購物，顯示「我們正在升級您的購物體驗。」其後亦回復正常，未見再有「筍貨」。

豐澤電器表示，網上商店網頁系統凌晨發生故障，導致多款商品價格標示為298元，客戶服務部將馬上聯絡受影響顧客，安排退款，對顧客造成的影響及不便深感抱歉，又說網上商店網站已在今早約7時全面修復。