《延禧》班底強勢回歸 新劇《皓鑭傳》 聶遠唔做皇帝 做呂不韋
由《延禧攻略》原班人馬拍攝嘅《皓鑭傳》，鐵定於農曆新年前2月4日喺無綫播出，原本由黃心穎、湯洛雯、洪永城、謝東閔等主演嘅賀歲劇《丫鬟大聯盟》都要讓路，《皓》劇中，飾演李皓鑭嘅吳謹言，將與飾演呂不韋嘅聶遠，承《延禧》再續前緣，此外，除他們兩位男女主角，《延》中嘅「高貴妃」譚卓、「明玉」姜梓新、「李玉公公」劉恩尚和睇到令人恨之入骨嘅「袁春望」王茂蕾都有份參演出！自問《延禧》粉絲就唔好錯過啦！
相關文章-
後宮如職場 《延禧攻略》必背9大做人處事金句
解構《延禧攻略》妃嬪妝容 佘詩曼靠「回春妝」演23歲嫻妃
《皓鑭傳》中，吳謹言飾演李皓鑭，本是御史之女，卻遭人迫害，家破人亡，慘被人發買。
《延》中飾演「明玉」嘅姜梓新，《皓》中將飾演大夫殷小春，擅於用銀針替人治病，且處處助李皓鑭。
據知，今次《皓》為咗令場景可以還原，並更加貼近史實，十分講究，除一共搭建多達400個場景外，更花逾8個多月時間，連道具及服飾製作都一絲不苟，如劇情轉入秦國後，劇組則多用黑和紅色，並配以獸型圖案於服飾中，以表達秦人霸氣豪放。
另外，喺《延》中飾演「乾隆」嘅聶遠，今勻喺《皓》劇中將飾演竊國商人呂不韋，為了權力和地位，他扶持當時喺趙國做質子秦異人回秦國登基，雖然早已對李皓鑭傾心，不過，卻選擇將自己心愛人推到其他男人身上去，看似冷酷無情，但最新釋出嘅預告中，可見他內心掙扎糾結，傾天下卻始終放不下心上人。
延禧爆紅後，曾被指耍大牌吳謹言，為演活角色李皓鑭，更增肥到45公斤，且每天練舞、唱歌，望能收回失地。
至於，《皓》劇情講述趙國御史李赫之女李皓鑭，因遭繼母所害，被害得身敗名裂，賣給了腹黑冷酷商人呂不韋，也因此和當時喺趙國當質子嘅秦王孫異人有所牽連，三人喺亂世紛爭中，為達成各自目的結盟，三人情感糾葛，加上宮廷連番爭鬥，劇情想必使大家睇得大呼過癮！
「高貴妃」譚卓喺《皓》劇中將飾演嬴異人母親華陽夫人；而「袁春望」王茂蕾則會扮演嬴異人父親。
圖片來源：微博
