林小珍：比粗口更難聽的説話

過去半年面對香港社會風雨飄搖，眼見事件有幾荒謬得幾荒謬，除了無語，講得最多就是粗口。

其實粗口是非常低層次，因為在最常用三千漢字中，你無法找出最佳的形容詞，因此選擇了粗口「最通用」的幾個字詞或字句，表達及協助增強語氣。但是粗言穢語終究是粗鄙俗套，為人父母當然不想孩子有樣學樣，盡量或極力減少小朋友接觸粗口的機會

可是，原來有很多比粗口更難聽的說話，每天你卻在孩子耳邊碎碎念。

例如一句：「我都是為你好……」

相信不少人都曾經聽過。一句多平凡的語句，背後肩負著對的孩子無限的愛護，也是父母的核心價值，為孩子着想為他們安排最好的！最好的學校、最好的衣食、最好的前程、甚至最好的婚姻......

父母食鹽多過你食米，行橋多過你行路，長輩的贈言和勸戒都是經驗之談，免得你要走冤枉路。

可是往往好心做壞事⋯⋯用了自己認為最好的方法去教導孩子！鮮有從孩子角度了解孩子的需要和想法。

一位家長朋友傳來以下這段訊息。

「依家咁嘅時勢，

讀書嘅有壓力，

返工嘅有壓力，

返到屋企，對住屋企都有壓力。

可惜，小朋友喺屋企最細，最無地位既一個，

佢地嘅聲音，無人會理，有時仲會厭煩，叫佢哋靜啲。

其實，小朋友嘅世界好細，你(爸爸媽媽)幾乎已經係佢嘅全部，佢開心因為你，佢喊都係因為你。

你對佢嘅每一句說話，每一個動作，會好影響小朋友心理健康。說話可能好輕易講出口，但永遠留在小朋友心底裡⋯⋯

小朋友好多時做勞作，玩紙黏土泥膠，只要你細心觀察，你會發現更多，愈早發覺愈容易處理。

『剛用完既工具，會點放？』

『剪紙，跟虛線剪紙時，表情心情係點？』

『按分量分紙黏士泥膠時，做法又係點？』

『完成一個步驟，或完成作品時，有無主動比你睇？說話語氣係點？』

唔好話小朋友咁細個，又唔洗搵錢，又唔洗憂柴憂米，應該好開心至係。記住！唔同年紀，唔同背景嘅人，可承受壓程度都唔同。

你屋企嘅小朋友，就係每一日受著你比佢嘅無形壓力，無論係看似普普通通既一句 ：『著番件衫啦』，『飲多啲水呀』， 囉囉嗦嗦.......如果同一句說話，重覆又重覆聽到，而自己又無能力反駁時，日積月累，佢地就會將煩厭嘅感覺，轉為壓力，再引申負面情緒，反映喺行為上。所以，家長們唔好少睇自已每一句說話。」

這段文字正正是我最想表達的。不同人在不同階段和年紀，都會面對不同的壓力，對孩子而言你就是他世界的全部，你對他的期望及囉嗦所帶來的壓力，就最直接。

不要小看你每一句說話，以為避免了粗口爛舌，孩子就不會學壞，會好「安全」？有些說話為他們帶來的負面情緒，比粗口恐怖十倍！