元宵最後逗利是日　派唔派見盡職場冷暖

 

 

網上討論區新年期間都有不少逗/收利是的趣聞。包括有人開PO話返工第一日已向剛結婚同事拎利是，點知對方話「老婆唔想派」就無派利是。樓主話嬲到想幫佢開年。

 

新年流流都唔派利是又真係有啲「大吉利是」，同事都覺得你唔大方啦！但若果你夠膽封，利是內無錢又得唔得？玄學家就話，利是無錢都要寫祝福語，唔可以係「吉」嘅！否則都係唔吉利架！

 

 

就算巴打/絲打你好有米，早幾日覺得逗利是「收夠籌」都好，千祁唔好話「唔要」，要話「有喇有喇」。

 

 

總結咁多日「利是逗來」嘅日子，過程中間都看得出職場人情冷暖！真係「邊個係人，邊個係鬼」一眼睇晒。

 

 

 

請假、晨早趁人少少派完、扮未結婚、全日「我睇你唔到」、全日都坐埋一邊唔出聲、開會免問、唔同同事食飯……已婚同事一入OFFICE就直奔座位，別人向你拜年「恭喜發財」，只回應一句「新年快樂」。雖說派利是不是一個MUST，但讓人感到「自私」、「小家」。試問咁唔識做，未來你有工作要幫手，就要預算「你點對人，人點對你」喇！

 

 

平時招呼無個，新春就忽然熱情？新年拜年是職場禮貌，但為一封利是，而突然變臉都實在太令人毛管筒。

還有部份人列隊跨部門拜年，一心逗利是，但就禮都無份，仲要長時間留在別人部門，阻礙了對方工作，那就無謂了。

 

 

利是都係意頭利利是是，除了內涵是「吉」外，其實內裡金額多少都不太重要。如果即場打開就不太禮貌，如果還要唱金額小就更加不要得了！

 

 

 公司高級管理層而又單身是否應該派利是？正所謂禮多人不怪，利是一定程度希望表達老闆個人對同事過去一年的努力。如果你想同事們「落力點」，花費不多的情況下，「識做」一啲都無所謂啦！

 

 

 安俊人力資源顧問董事總經理周綺萍早前接受傳媒訪問時指，不同公司有不同文化，不能一概而論，最好都係參考同事做法。她又補充，「有派就係禮數，通常唔少於20元都得啦。」

 

 

 

相傳夏商周時期，每逢國家慶典或天災人禍，均由巫師進行「祝巫術」，向天祈福，並發符咒給民眾保平安。而為保護符咒靈力，會以紅布袋包裹。

 

流傳民間，演變成父母於每年年三十晚用紅封包裝入銅錢即「壓歲錢」，給子女放枕頭下，祝願壓過壞事，健康迎接新一年。至年初一太陽升起時，子女須向父母跪拜祝賀，父母則再給予紅包，祝願吉祥。