Last day爽歪歪！李嘉誠放心交棒Victor「冇信心是假的」

長和系主席李嘉誠於今日（5月10日）正式退休，朝早大批傳媒在其大宅外守候，誠哥亦「識做」，除了在窗邊做早操任影，又透過電話接受宅外傳媒訪問。

(圖：香港電台)

被問到最後一天做主席的心情，他稱「開開心心，好嘢」、「做咗咁多年嘢，自己由12歲做到而家啦」。至於對長子李澤鉅 (Victor) 有冇信心，誠哥重申「幾十年睇住佢做嘢，冇信心係假」。

昨日下午，Victor受訪時表示，「已準備了30幾年」，與同事一直合作，長和系對內對外不會有任何轉變，更指「我同爸爸住樓上樓下，邊有可能唔傾偈？」多年來一直與父親合作，無論對內對外亦不覺得有任何轉變。而父親李嘉誠辭任主席後，仍然會繼續上班 。

Victor在股東會上表現輕鬆，面對股東質問通通不怕，有人不滿長建股價表現差，由去年8月的逾70元水平直插至昨收市的62.3元。Victor回應「我哋係種大樹嘅公司，唔係做種菜生意」，基建公司的回報不是逐年看。