尖沙咀推地圖導向板　你最想行去邊？

近日行經尖沙咀發現有一個行人導向標示試驗系統，有咩咁特別？原來可以通過地圖上面的導向標示板及指示牌睇到步行資料。只要步程範圍介乎5至15分鐘都可以睇得一清二楚，同時可以睇埋途經的景點和風景，唔會好似用電話導航只顯示最短的路線。行人地圖導向標示板和方向指示柱設置於彌敦道（尖沙咀段）及梳士巴利道的行人路。而標示板設有二維碼，掃描後可連接運輸署新推出的「出行易」應用程式，隨時查閱尖沙咀及銅鑼灣的行人路線。

聽聞此系統花了1年籌備，而試驗期暫定為3年，亦參考了包括英國、澳洲及美國等國家的做法，亦邀請外國顧問公司一同設計及安裝等，合共耗費300萬元。