【日常護髮小貼士】髮質變差有原因 7個護髮Tips你要知！
無論你用啲幾貴嘅Product，啲頭髮都仲係乾燥、過油、成日開叉？有冇諗過其實係你平時嘅壞習慣造成？其實要令髮質好，除咗靠護髮產品外，日常嘅護理都非常重要！HelloToby依加就話你知7大日常護髮Tips，跟住做再加上定期嘅頭髮護理Treatment就包保你嘅頭髮靚一靚，唔會又黃又乾又開叉啦！
1）洗頭時避免水溫太高
習慣用好熱嘅水洗頭？其實咁樣係好傷頭髮㗎！熱水會令髮根變得脆弱，長期用過熱嘅水洗頭就會嚴重破壞髮根，令毛髮開始捲曲而變得毛躁。
除此之外，熱水洗頭會令你嘅頭髮比較容易斷裂，因為當頭髮接觸到熱水時會失去原有彈性，如果用熱水洗完頭立即梳頭或擦頭就好容易令頭髮斷裂啦！
咁洗頭水溫應該幾多度先至好？我哋請教過Salon專業髮型師，佢哋話水溫應保持喺35-38°C！
2）切勿大力搓揉頭髮
好多人洗完頭後都會大大力用毛巾搓揉頭髮務求令頭髮乾多啲，吹頭就唔使吹咁耐。咁做係唔啱㗎！
洗髮後用毛巾大力搓揉，會令頭髮中的鱗狀表層破損，鎖唔住喺鱗狀表層內嘅養分。其實只要用毛巾輕按，將多餘水分吸乾就OK！千祈唔好做多咗呀！
3）定期修剪髮尾
專業髮型師建議大家要定期修剪髮尾，尤其係曾經電髮、染髮嘅髮質，因為電染頭髮會令髮絲變得脆弱，容易開叉。
要解決呢個問題就要定期修剪，減少開叉造成打結情況，而且仲可以促進頭髮生長㖭！
4）避免剪髮DIY
隨手拎起文具剪刀就以為自己係髮型師？No！
自己剪髮所使用嘅剪刀其實會傷害頭髮，令頭髮更易有開叉情況。
髮型師所用嘅剪刀價值昂貴其實係有原因㗎，佢哋嘅剪刀比普通剪刀更尖銳，切口亦唔同。隨便用普通剪髮會好容易扯斷頭髮，令開叉情況更嚴重！
5）善用頭髮乾洗劑
髮型非常重要，但次次Set好頭後一出街就變得又笠又塌無哂造型？
頭髮乾洗劑絕對係你嘅好幫手！只要噴灑適量嘅乾洗劑，再用指腹搓揉頭皮髮絲，就可以令頭髮「起死回生」，回復輕盈蓬鬆啦！
除此之外，假如唔小心用得太多髮妝品，亦可以用乾洗劑清洗，非常方便！
6）吹頭不能只吹至七分乾
好多人洗完頭後都只會將頭髮吹至七分乾再等自然風乾。但你又知唔知水分停留係頭髮表面其實係好傷髮質？
水分長期停留喺頭髮表面會令頭髮變得乾燥，所以洗完頭後我哋應該盡快將頭髮吹乾。
建議使用高功能嘅風筒，唔但止可以快速吹乾頭髮，更可以悔蚪定型。市面上亦有風筒針對頭髮多而乾燥嘅髮質，即使高速吹乾頭髮依然能保持水潤。
7）預備具噴頭水瓶
頭髮成日打結，覺得好煩？
當頭髮打結時，好多人都習慣用手解開死結或用梳大力將頭髮扯開。
其實解開頭髮死結並唔需要使用暴力，你只需要一枝水。
你可以預備一個有噴頭嘅樽仔，喺頭髮打結時輕輕以水霧噴灑，再快速風乾，就能夠將纏繞嘅髮絲鬆開啦！
香港Salon推薦
除咗以上日常護髮小Tips外，想頭髮持久亮麗，當然要定期搵專家搞搞佢。Toby就為你搜羅咗香港幾間高水準Salon，大家快啲揀定一間心水髮型屋啦！
Try Salon
Try Salon 店主已經從事髮型行業已超過26年，店舖主打護髮療程與生髮服務，多年嚟不斷研究及學習不同專業護髮技術，日本Tokio Inkarami Treatment 更係佢哋嘅皇牌！
地址：尖沙咀麼地道67號半島中心LG 46舖
Hair Guys Salon
Hair Guys環境有別於一般Salon，每個時段盡量只服務3-4位客人，仲會免費提供磨豆手沖咖啡、花茶，等你可以一路做treatment，一路消閒放鬆！
地址：九龍旺角登打士街45號2F
Ja’dore Beauty Salon
Ja’dore Beauty有豐富KK絲蛋白重塑護理經驗，絕對可以幫你將受損頭髮變成絲般秀髮！
地址：銅鑼灣霎東街15號13樓
HelloToby 嚟梗仲會同香港髮型屋合作，推出一系列嘅美髮服務優惠，依加已經可以預先登記獲發相關資訊啦！
Hellotoby授權轉載
