高鐵遊廣州：快閃番禺忘記香港蝸居

高鐵香港段開通後，到廣州快閃兩日一夜又成為熱門話題啦！由西九龍站到廣州南站坐直達班次的話，車程不用一小時，不過通關要少少時間，外遊預好時間最重要。上到高鐵，幾十分鐘好快就過，掃一轉Facebook、Instagram，小睡片刻已經落車，快過跨區返工。

廣州南站總建築面積較西九高鐵站略小，但也有37萬平方米，一層大堂大到可以賽跑！出閘後要找接駁的交通工具亦非常方便，下層有地鐵，接駁2號綫和7號綫，亦有巴士來往番禺、佛山、廣州市內，或者乘坐的士直達目的地，數量亦不少。

不少人去廣州南站都會想到去長隆歡樂世界，但如果已經去過幾次，又或者hea下過異地周末，其實附近的番禺都有不少休閒活動。當然，兩日一夜頭號要關心是住宿問題，在香港有多間分店的紅茶館今年剛在番禺開新店，想試新酒店亦是不錯選擇。房型多有選擇，還有特色日式客房，暫時可以忘記香港那個細小的窩居。

紅茶館酒店（廣州番禺店）

地址：廣州市番禺區市橋盛興大街100號基盛萬科中央公園D區