黎倩蕾：重回七十二家房客時代
2018-01-29
AAA
住在何文田邨的阿婆，有這樣一個笑話：「明仔阿媽你就好啦，對面皓畋系豪宅，幾萬蚊呎價，你住何文田邨幾千蚊租⋯」不過呢頭未開心完，阿婆就發現：「咦，典解(點解)幫襯開嗰間茶記執鬼咗，商場圍曬板似迷宮⋯」仲未計買開廉價兩餸飯同燒味飯的港式超市，變了靚牛扒魚生直送的番鬼佬超市；仲有街市全封大裝修，游水黃立倉拜拜，要改食超市急凍龍利柳！
不用問麥玲玲大師，都知大裝修後的街市，會變成另一個樂富街市，雜貨舖會被蛋糕材料店取代；細路B買開貼紙的文具店消失了，街市賣鍋貼燒賣咖哩魚蛋的夫妻檔，你們還好嗎？娛樂版話佘詩曼千四萬買咗皓畋，隔離屋陳師奶最興奮：「唔知有無機會見到視后呢？」與明星為鄰，代價是無啖好食。可幸何文田到底位置優越，一程十分鐘不到的小巴車程，已到旺角，附近又有地鐵，回頭看看身後那條輪候上樓的人龍，也沒甚麼好怨了。
事實上，在市區地難求的形勢下，豪宅進駐平民地段已是不爭的現實，引發的矛盾和爭執也無日無之。這邊廂公屋戶投訴豪宅趕絕街坊商店，那邊廂高買死供做業主的中產戶（唔計炒樓客），又心理不平衡，埋怨日做夜做變樓奴，何解一落樓就見對面老人院輪椅列陣，不滿大殺風景。中國人追求落地生根，中產和基層都無法安居，難怪都怨氣衝天。說到底，居住問題確是難題，短期內應亦難以解決。
早前有非政府機構，就提出「共住計劃」，向「良心業主」招手，拋磚引玉，以協助維修及代辦裝修作招徠，以舊瓶新酒的過渡計劃換取時間，是否有效拭目以待，不過香港重回「七十二家房客」的時代，應亦不遠了。看來，政府應加把勁，盡速改善房屋及民生的問題，否則計時炸彈隨時爆破，得不償失。
文章只屬作者觀點，不代表本網立場。
