夏天到！搵教練學游水 6大須知（兒童泳班+成人泳班）
天氣開始回暖，差唔多係時候學游水啦！眾所周知 游水 呢項運動對關節健康、四肢協調、呼吸系統以及減走大肚腩有利，你點可以錯過呢？對初學者或者家長而言，可能唔知道 學游泳要從何入手，更加唔知道點搵個好游泳班或游泳教練。HelloToby 集齊各樣 游泳資訊，與大家分享學游水 6大須知。
1） 應該幾歲開始 學游水 ？
坊間傳言話兒童愈早學游水愈好，原因眾說紛紜，有人話細路仔唔識驚，亦有人話幼兒與生俱來識游水。根據美國兒科學會指出，1歲至4歲接受正式 游泳教學 的兒童較少機會遇溺。不過， 學游水 時間最好視乎孩子對落水嘅接受程度以及心身發展情況。如果幼兒抵抗力差，唔應該過早學游水，以免受池水細菌感染。你可以考慮 兒童游泳班，除咗學游水之餘，仲可以識到其他小朋友，增加 兒童學游水 興趣。
至於對成年人而言，正所謂「活到老學到老」，任何時間都合適學游水，你可以選擇參加 成人游泳班 或者 私人游泳班 ，咁就唔怕上 泳班 遇到小朋友尷尬啦！但其實好多大人都未必識游水，所以根本唔需要因為年齡而感到尷尬。
2） 游泳教練 要符合乜嘢資格？
香港暫時無法例規定 游泳教練 必須具備邊種資歷認證。雖然資歷認證唔代表教練質素好、 教游水 教得好，但可以作為一種大眾指標讓學員參考。最基本要具備游泳教師資格以及拯溺救生資格，前者保證教練懂得比較有系統授課，而後者則確保教練識得為遇溺者施救。 香港業餘游泳總會 、 香港游泳教練會 及 香港游泳教師總會 都有頒授認證，更設有教練名冊。
如果你要專業比賽訓練，建議學員進一步參考教練以往有冇出賽經驗或曾到外地受訓。另外，要注意泳界經常出現暑期工「臨時拉夫」情況，如果作為助教是可以接受，但作為主教練就未必有足夠經驗。
3）邊種 游泳班 上堂模式較適合你？
游泳班 模式分小組同個人。小組課堂人數比例應該維持1:10以內。小朋友通常比較樂於與朋輩一齊訓練，小組 兒童游泳訓練班 可以讓佢哋學游水之餘，結交志同道合嘅朋友。論學習質素，當然愈少學生愈好，因為學員可以得到更多練習機會，但學費都相對較貴。
泳會提供的課程亦大有不同。除了 游泳訓練 ，有些泳會如 啟迪游泳會 會加入體適能訓練，務求提升學員的體格及內臟器官的效率，促進他們對游泳這項運動的適應性。 啟迪游泳會 成立於2002年，各教練均符合香港、美國或澳洲游泳教練資格及有豐富教學經驗。以實用速成方法授泳，令泳員在短期內掌握正確泳術，藉以提高小朋友對游泳的興趣。通過長期有系統的訓練後，學員更可以參與學界比賽及各項公開游泳比賽，增強自信心。
而上班族時間比較飄忽，部分成年人怕集體踢水尷尬，一對一游泳班 就有較高彈性配合。半私人游泳班（自組2至3個學生）係最理想，價錢實惠又有足夠嘅練習時間。可參考以下 康文署游泳班 、 泳會 及 私人游泳教練 資訊：
康文署 Vs 泳會 Vs 私人游泳教練
4）學員怕水，可以學游泳嗎？
對於初學者而言，心理關口經常會妨礙學游水。事實上，愈係怕水，就愈應該搵一個能夠幫助你建立信心嘅 游泳教練 。好多人誤解，要先克服恐懼再學游水，其實兩者可以同步進行。好嘅教練會向學生分析佢哋怕水嘅原因，帶領初學者認識水中感覺，例如安排學生在1.2米至1.4米深嘅泳池熟習水壓、阻力，並學習於水中浮同企。 游水教練 從旁保護你嘅安全，但同時放手讓你去嘗試。建立信心係克服怕水嘅關鍵。
想喺夏天來臨前學識游水？立即上 HelloToby 搵游泳教練
5）學游水冇乜貼士？
學習進度因人而異，一般初學者每星期練習可以在2至3個月內掌握最基本嘅泳術。學游水關鍵在於恆常練習，課程要與學生身體變化和成長要保持一致，按著學生自身平衡力、能力以及協調而改變。不斷讓學生學習新技能，令肌肉記憶保持在最佳狀態。
6）習泳地點有乜要注意？
唔少游泳班會於 公眾泳池 進行訓練，但公眾泳池存在兩個問題。其一，公眾泳池 於旺季人數極多，未必有足夠空間練習，對小朋友嚟講亦容易分心。其二，公眾泳池 人多擠逼，池水含菌量會較高，游泳人士容易生病。
學生需要事前了解上課場地如何。游泳班有冇預約賽道作練習之用？有冇劃分練習空間？除此之外，池水溫度亦十分重要。池水太冷，學生難以放鬆身體肌肉；池水太熱，學生體能消耗會加快。最佳室內游泳池溫度界乎攝氏26至28度左右，學生可以多加留意。
(來源：Hellotoby)
