2018美食博覽開鑼　鮑魚拌麵、榴槤月餅、松露蜜糖必食率先睇

一年一度的美食博覽開鑼啦！8月16日至20日一連四日在香港會議展覽中心展出不同美食，除了每年焦點的「搶鮑魚」遊戲，有餅店繼續推岀「1元食一世月餅」，仲有無奶芝士和松露蜜糖等緊你。

相關新聞：美食博覽訪港人士門票減10蚊　晚市設「著數特區」不怕遲入場

海味鋪老闆在開幕前親身示範玩法，參加者在行李箱內放盒裝鮑魚，然後在跑道上推喼，其實好似玩冰壺一樣，最接近終點的店舖標誌便算贏。另外有多個海味和海鮮優惠，即埸亦有賣「鮑魚拌麵」，每份兩隻鮑魚賣45元。

場內餅店鬥得厲害，其中「醉榴香」繼續推岀「1元食一世月餅」遊戲，榴槤月餅粉絲不要錯過。

可愛系月餅要數「貓部月餅」，除了6個裝，亦有會場限定的2個裝小禮盒，綠茶紅豆麻糬月餅和奶黃月餅各一，限售450套。

「貓部月餅」兩個裝售95元。(3B-F02)

另外對牛奶敏感的人士，今年可以嚐到來自加拿大的無奶芝士，芝士以木薯粉製造，煙韌程度可以做到「拉芝」效果，攤位亦有賣不含奶和蛋的雪條和乳酪，對牛奶敏感的人士終於有口福。

無奶芝士同薄餅(3D-A05)

同在尊貴美食區的意大利松露公司，首創黑松露粉，顧客可加在薯片上當小食，絕少「石油氣」味。攤位亦有售松露蜜糖，打破傳統松露鹹食的概念。

松露蜂蜜和黑松露粉(3B-D07)