中環海濱一連3日 Clockenflap大型音樂節 藝術與美食並融

11月9日起，一連三日喺中環海濱舉行的大型音樂節Clockenflap，令一眾樂迷都趨之若騖、期待以久，當中集結咗唔同國際頂級歌手和樂隊，包括休息3年後首復出嘅台灣創作歌手安溥，而其中四個重頭表演單位包括紐約Post-Punk天團INTERPOL、Talking Heads主將DAVID BYRNE、Pulp主音與其新樂團、以及以當代世界音樂著名的馬里二人組AMADOU & MARIAM。此外，場內更設置咗唔少美食攤檔和藝術裝置，好等你邊聽歌、邊欣賞藝術及邊食好西！

 

當中藝術裝置有唔少潮牌參與，其中包括以白屋設計，會有燈光投影，可以在屋前影相留念嘅initial和有得玩乒乓球遊戲、及可燙印索繩袋嘅FRED PERRY等，仲等？快啲約埋成班Friend一齊嚟啦！

上年大受歡迎嘅打卡位Balloon Chain今年將會再次同大家見面，接近成千米長嘅汽球鏈隨風飄動係美國Coachella同Burning Man祭典最出名嘅風景之一，大家唔止可以喺香港睇得見，今次仲可以有份操作呢件藝術裝置！(官方圖片)