天文台開放日 以3．23世界氣象日 「太陽、地球和天氣」為主題

明日係世界氣象日，世界氣象日又稱國際氣象日，係世界氣象組織成立嘅纪念日，時間喺每年嘅3月23日。每年世界氣象日都會圍繞一個主题，在全球進行慶祝活動，向各會員國政府和公眾進行氣象宣傳教育。而嚟緊星期六(23日)、日(24日)天文台舉行嘅開放日，就正採用世界氣象日嘅「太陽、地球和天氣」為主題，讓市民實地了解天文台嘅工作，與專業氣象人員交談，一睇佢哋日常如何利用科技為市民服務。

其他文章-
商務印書館$10舊書義賣　
膠樽含微粒 玻璃易碎 不銹鋼水樽最安全　

開放日除設展覽介紹有關太空天氣資訊，市民還有機會與香港天文台長岑智明和香港天文台吉祥物「度天隊長」合照，及可即席親身試玩現場「天氣報告」、各類和天氣相關嘅攤位遊戲。

另香港天文台提醒市民開放日不設入場券，屆時視乎情況需要，可能有人流控制措施，及由於預期前來參觀嘅人數眾多，天文台將實施人流單向移動嘅措施。參觀人士必須由彌敦道進入，並於天文臺道離開。根據以往經驗，星期六及日下午人流眾多，市民請盡量於上午嚟到參觀。

2019年3月23日（星期六）
入場時間：中午 12 時正 至 下午 4 時 30 分

2019年3月24日（星期日）
入場時間：上午 10 時正 至 下午 4 時 30 分
展覽結束時間：下午 5 時 15 分

活動資訊：
有機會與台長合照（2019年3月24日，上午 10 時正至下午 1 時正）
台長簽名會（2019年3月23及24日，下午 4 時正開始）

注意：若在開放日期間，天文台發出紅色或黑色暴雨警告，是次活動將會暫停。若天文台發出黃色暴雨警告，開放日如常舉行。台長簽名會則視乎當時天氣情況而定。

地點： 九龍彌敦道134A號香港天文台總部
入口在彌敦道近尖沙咀街坊褔利會，出口在天文臺道﹝見附圖﹞



資料及圖片來源：香港天文台