無棟篤笑睇 到3D體驗館與GD抱抱也不錯

 

 

棟篤笑神話黃子華開騷，全城陷入撲飛潮。甚至有網民喪打200次電話搶飛都只係得白果一粒，實在難為一班粉絲。

 

買唔到飛唔緊要，如果咁啱你係Oppa迷，不如到中環新開設的「PLAY HKPOP」全息偶像演唱體驗館。這裡有270度全景3D屏幕，觀眾毋須佩戴3D眼鏡就可以聽場「現場」演唱會，仲可以同BigBang抱抱，與PSY跳舞！

 

 

 

 

「PLAY HKPOP」樓高兩層，門外有出售BIG BANG、G-Dragon及PSY的全息影像演唱會門票。一場唔夠過癮仲可以選擇二合一套票，睇足兩場演唱會。目前提供的組合有「G-Dragon＋BIG BANG」及「G-Dragon＋PSY」，兩場G-Dragon的表演內容並不一樣。每場演唱會均為30分鐘，每天公映26場，每場最多可容納40人。進場前記得在門外的指定屏幕拍照，相片有機會於稍後投射在演唱會的屏幕上。

 

過程中你好有可能被邀請站在高台，與 G-Dragon的影像「同台演出」。咁特別的機會，真係諗下都笑出聲。

 

 

 

 

睇完演唱會唔捨得走啊？咁你可能需要購買三合一套餐。皆因這個套票還包含與你喜歡的韓星錄歌、影相。尤其影相的時候，他們真係好似成個喺你側邊！除了可以選G-Dragon、BIG BANG、PSY之外，亦有AOA、Rainbow、2NE1等女團，滿足你不同幻想！據說將來更可能加設本地明星。

 

 

雖然「PLAY HKPOP」定位是「全息影像」，但與《星球大戰》裡面的效果，即係脫離屏幕憑空出現影像技術還有一定距離。

 

目前商業舞台上常用的所謂的全息影像大致可分為兩類：一類是背投方式，投影機直接將影像投射到特殊屏幕上；另一類是利用反射，影相被投射在反光板，再反射到呈45度放置的特殊屏幕上。後者的效果更逼真，成本和造價會更高。