黎倩蕾：遲來的大閘蟹 變陣成本增銷情如何？

正所謂「九月圓臍十月尖」，過往大閘蟹於中秋節後陸續抵港，不過今年首批內地大閘蟹，就遲到十一月初先有影，有蟹商就變陣，安排「蟹貨 」遊一輪飛機河，內地出口韓國再轉運香港，順利取得三地衛生證明，才可成功登陸香港，麻煩又迂廻，但能否輓回市民食蟹的信心，仍需觀望。

 

事實上，自2016年爆出二噁英風波，內地衛生部門大幅收緊出口衛生證明要求，過往大閘蟹於中秋節後陸續抵港，但今年內地部門，卻至今仍未向香港蟹商發出衞生證明書，原因未明，導致內地大閘蟹遲遲未能到港，反而只一河之隔的深圳，大閘蟹就一早應市。

 

內銷外銷待遇大不同，我身邊的蟹迷朋友，反應亦兩極，有人急不及待北上覓食，有人就寧願貴少少，選擇在香港拆蟹，也只信任外銷蟹，覺得食得放心最重要。每人想法不同，我就屬民以食為先類型食客，之前就和友齊北上組食蟹團，實行今朝有酒今朝醉，無有怕。

 

不過，有港產蟹商就狂呻，小本生意過去兩年險阻重重，捨近取遠迂迴來港，成本大增也不敢加價，只為輓回市民信心，但銷情仍大不如前，心情沉重，她說知道有同行索性停業，暫時轉行避風頭，而她則因為內地有自家蟹場，投資不少，絕難話唔做就唔做，如今洗濕咗個頭，只有見步行步，作最好期望最壞打算，先捱過今次甫開始就接近水尾的蟹季，期望明天會更好。

文章只屬作者觀點，不代表本網立場。